दि. १७ ऑक्टोबर २०२४
दिव्यांग कलावंताच्या सादरीकरणाने भारावले कोल्हापूरकर बालरंगभूमी परिषद कोल्हापूर शाखेतर्फे यहाँ के हम सिकंदर या विशेष बालकांच्या महोत्सवात आलेल्या सांस्कृतिक अनुभवाने प्रेक्षक व बालरंगभूमीचे सर्व कार्यकर्ते भारावून गेले होते. या महोत्सवात १२ संघांचा सहभाग होता तर २२० दिव्यांग बालकलावंतांनी आपले सादरीकरण केले. यावेळी २५ दिव्यांग प्रेक्षकांनीही उपस्थित राहून महोत्सवाचा आनंद घेतला. मुलांच्या हाचलाचील, बोलण्यात अडखळलेपणा असला तरी सरावातून ही मुले काहीतरी नवं शिकत आहेत. कला सादर करत आहेत. त्याच मुलांनी परिश्रमातून साकारलेल्या बहारदार नृत्य व नाट्य सादरीकरणाने रसिकांना थक्क केले. यावेळी मध्यवर्ती शाखेच्या अध्यक्ष नीलम शिर्के सामंत, कार्याध्यक्ष राजू तुलालवार उपस्थित होते. प्रमोद कसबे, प्रिती गुळवणी, वेदा सोनुले, अविनाश देशमुख, डॉ.संजय पाठारे, डॉ.अंजली पाटील, मुग्धा जोशी, अरविंद कोळी, अविनाश गायकवाड, वैदेही जाधव, दीपक बिडकर, सचिन पाटील, प्रथमेश सिध्दार्थ, अनिल काजवे यांनी संयोजन केले. मनीष आपटे यांनी सूत्रसंचालन केले. युवराज केळुसकर यांनी आभार मानले.