१.⁠ ⁠महोत्सव केवळ महाराष्ट्रीय लोककलांचा असून लोककला प्रकारातीलच गीत, नृत्य व वाद्य आवश्यक असतील.
 २.⁠ ⁠महोत्सवात लोकनृत्य (समूह /एकल) लोकगीत (समूह /एकल) लोकवाद्य (एकल) प्रकारांचा समावेश असेल प्रत्येक कलाप्रकाराचे स्वतंत्र सादरीकरण होईल.
 ३.⁠ ⁠महोत्सव जिल्ह्याच्या ठिकाणी आयोजित करण्यात येईल.
 ४.⁠ ⁠महोत्सवात वय वर्ष ६ ते १५ वर्षांच्या मुलांना सहभागी होता येईल.
 ५.⁠ ⁠महोत्सवात किमान २५ संघाना तर एकल सादरीकरणासाठी ५० कलाकारांना प्रवेश देण्यात येईल. याबाबतचा अंतिम निर्णय जिल्हा शाखा घेतील. परिषदेने मागणी केल्यास सादरीकरणाची व्हिडिओ क्लिप ऑनलाइन पाठवावी लागेल.
 ६.⁠ ⁠महोत्सवात शालेय संस्था आणि मान्यता प्राप्त नृत्य/ संगीत संस्था सहभागी होऊ शकतील.
 ७.⁠ ⁠एकल कलाप्रकारासाठी रु. २००/- तर समूह कलाप्रकारासाठी रु. ५००/- इतकी अनामत रक्कम जिल्हा शाखेच्या बँक खात्यात जमा करणे आवश्यक आहे. सादरीकरणानंतर सदर अनामत रक्कम संस्थेच्या बँक खात्यात जमा करण्यात येईल. जो कलाकार अथवा संघ सादरीकरण करणार नाही त्यास कोणत्याही कारणास्तव अनामत रक्कम परत मिळणार नाही.
 ८.⁠ ⁠निर्धारित प्रवेश अर्ज भरुन संस्थेच्या लेटरहेड सोबत मुख्याध्यापक/संस्थाप्रमुख/संघ प्रमुखांच्या सही शिक्क्यानिशी महोत्सवात प्रवेश घ्यावा लागेल.
 ९.⁠ ⁠कोणत्याही संस्थेस जास्तीत जास्त दोन प्रवेशिका सांघिक सादरीकरणासाठी दाखल करता येतील.
१०.⁠ ⁠सादरीकरण कालमर्यादा समूह नृत्य व समूहगीतासाठी कमीतकमी ६ मि.व अधिकाधिक ८ मि. तर एकल सादरीकरणासाठी कमीतकमी ३ व अधिकाधिक ४ मि. कालमर्यादा असेल.
११.⁠ ⁠समूह/सांघिक सादरीकरण करणाऱ्या संघात किमान १० बालकलाकार असणे आवश्यक आहे.
१२.⁠ ⁠एकल गीत गायनासाठी sound track किंवा स्वतःचे वाद्यवृंद साथीदार वापरता येतील. तसेच लोकनृत्यासाठी ध्वनिमुद्रित/रेकॉर्ड लोकगीत वापरता येईल. प्रत्यक्ष वाद्यवृंद असल्यास त्यास विशेष प्राधान्य दिले जाईल.
१३.⁠ ⁠रंगभूषा, वेशभूषा व प्रवास खर्च सहभागी कलाकार/संघाने करावयाचा आहे.
१४.⁠ ⁠सहभागी कलाकार/संघांना संयोजकांच्यावतीने अल्पोपहाराची व्यवस्था करण्यात येईल.
१५.⁠ ⁠महोत्सवात सहभागी होणाऱ्या अव्वल कलाकृतींना प्रोत्साहनपर पुरस्कार देण्यात येतील.
१६.⁠ ⁠पुरस्कार संबंधित परीक्षकांचे निर्णय अंतिम राहतील.
१७. या महोत्सवाचे नियम व अटी यात बदल करण्याचे सर्वाधिकार कार्यकारी मंडळ मध्यवर्ती मुंबई यांचेकडे राखून ठेवण्यात येत आहे तसेच कोणत्याही कारणास्तव कार्यक्रमाच्या तारखेत आणि वेळेत बदल करण्याचा अधिकार परिषद स्वतःकडे राखून ठेवत आहे.