दि. ९ ऑक्टोबर २०२४
नंदुरबारमध्ये दिव्यांगाना मिळाला हक्काचा रंगमंच दिव्यांग बालकलावंतांना हक्कांचा रंगमंच उपलब्ध करून देणारा यहाँ के हम सिंकदर नंदुरबारला ९ ऑक्टोबरला साजरा करण्यात आला. इंदिरा मंगल कार्यालयात उत्साहात पार पडलेल्या या महोत्सवात प्रमुख अतिथी म्हणून राष्ट्रीय अपंग विकास महासंघाचे राज्य उपाध्यक्ष शिवाजीराव मोरे, सामाजिक कार्यकर्ते अर्जुन वळवी, ज्येष्ठ नागरिक संघाचे पदाधिकारी आत्मारामबापू इंदवे, बारकू पाटील, बालरंगभूमी परिषदेचे मध्यवर्ती कार्यकारिणी सदस्य योगेश शुक्ल, तसेच नंदुरबार जिल्हा शाखेचे प्रमुख कार्यवाह नागसेन पेंढारकर, अध्यक्ष राजेश जाधव, उपाध्यक्ष मनोज सोनार आदी उपस्थित होते. महोत्सवात एकूण ९ दिव्यांगा शाळांमधील ११० दिव्यांग कलावंतांनी सहभाग नोंदविला तसेच १०० दिव्यांग प्रेक्षकांनी या महोत्सवाचा आनंद घेतला.