दि. १३ ऑक्टोबर २०२४
ठाणे शाखा : यहाँ के हम सिकंदर कलामहोत्सव उत्साहात
बालरंगभूमी परिषद ठाणे शाखेतर्फे दि. १३ ऑक्टोबर रोजी ठाकरे सभागृह, तीन हात नाका, ठाणे येथे ‘दिव्यांग कलामहोत्सव’ आयोजित केला होता. त्याला ठाणे आणि परिसरातून उदंड प्रतिसाद मिळाला. ठाणे शाखेचे अध्यक्ष मिलिंद बल्लाळ, कोषाध्यक्ष अमोल आपटे आणि त्यांच्या कार्यकारिणीने ठाणे आणि परिसातील (पालघर, बदलापूर, वांगणी इत्यादी) एकूण २४ शाळांना सहभागी करुन घेतले. यात कर्णबधीर, मूकबधीर, विशेष मुले तसेच अंध विद्यार्थीही होते. मेघना साने, नूतन बांदेकर व सुचेता रेगे यांनी शाळांच्या शिक्षकांशी संपर्क करून शिक्षकांचीही उपस्थिती असावी, असे सूचित केले होते. विद्यार्थ्यांनी गायन, वादन, नृत्ये, नाट्य तसेच वेगवेगळ्या वाद्यवादनाचे सादरीकरण केले. सर्व शाळांसाठी एक चित्रकला विभाग वेगळा ठेवला होता. एका स्वतंत्र हॉलमध्ये विद्यार्थ्यांनी आपली चित्रे पूर्ण केली.