दि. १८ व १९ ऑगस्ट २०२४
मुंबई शाखा ‘जल्लोष लोककलेचा’ महोत्सव लोकसंस्कृतीचें जतन व्हावें. लोककलेचींआवड निर्माण व्हावीं लोककला मुलांच्या मनांत रुजावी, लोककलेचें ज्ञान मुलांना मिळावें आणि मुख्य म्हणजें आजची मुलं गॅझेटच्या विळख्यांत वेढलीं गेलीं आहेत, त्यांना त्यापासून प्रवृत्त करावें. फिल्मी दुनियेतून लोककलेच्या प्रांगणात अलगद घेऊन यावें , या प्रामाणिक हेतूनें बाल- रंगभूमी मध्यवर्ती शाखेच्या अध्यक्षा आणि सुप्रसिद्ध अभिनेत्री सौ नीलम ताई शिर्के- सामंत मॅडम यांनी’ जल्लोष लोककलेचा, हा अतिशय सुंदर उपक्रम सुरू करण्यांस सांगितलें.आणि त्यांच्याच प्रेरणेंतून ‘बालरंग- भूमी बृहन्मुंबई शाखेने” जल्लोष लोककला २०२४’ १८ आणि १९ ऑगस्ट २०२४ ला ‘लोकशाहीर अण्णाभाऊ साठे नाट्यगृह भायखळा’ मुंबई येथे सादर केला.
समूह लोकगीतांत १० संघ आणि समूहलोकनृत्यांत ११ संघ होतें. तिन्ही परीक्षकांनी अतिशय पारदर्शकपणे परीक्षण करून क्रमांक काढलेत. तदनंतर मध्यवर्ती बाल- रंगभूमीच्या अध्यक्षा आणि सुप्रसिद्ध अभिनेत्री सौ नीलमताई शिर्के- सामंत यांच्या हस्तें पारितोषिक वितरण समारंभ झाला.
दुसऱ्या दिवशीं म्हणजेच १९ ऑगस्ट २०२४ ला एकल नृत्य २०, एकल गीत २० आणि एकल वादनाचे सहा असे सादरीकरण झालें. याप्रसंगी नीलमताईंनी छोट्या छोट्या बालशिलेदारांचे अगदीं तोंडभरून कौतुक केलें. आणि असे कार्यक्रम आपण दरवर्षी घेऊ, त्यायोगें बालविकास घडवून आणूं. असें आश्वासनही दिलें. दोन्ही दिवसांचे समूह नृत्य समूह गायन, एकल नृत्य, एकल गायन, एकल वादन हे सर्वच अविष्कार मुलांनी अतिशय ताकदीनें सादर केलेंत. बाल- प्रेक्षक तसेंच बाकीच्या प्रेक्षकांनीहीं त्यांना मनमुराद दाद दिलीं.