दि. ३० ऑगस्ट २०२४
जल्लोष लोककलेचा महोत्सवाला साताऱ्यातील बालकलावंतांचा उत्स्फूर्त प्रतिसाद जागर लोककलेच्या अंतर्गत एक दिवसाचे लोककला महोत्सवाचे आयोजन करण्यात आले. ह्या मध्ये सर्व लोककला, लोककलेतील वाद्य त्यांची माहिती आणि लोककलेची महती यावर जाणकारांनी मार्गदर्शन केले . ह्या प्रशिक्षणात लोकशाहीर भानुदास गायकवाड, श्रीपति माने, श्री राजीव मुळये यांनी मार्गदर्शन केले . तसेच सादरीकरण ही केले . तसेच गोंधळी पोपट राव मोरे, किरण ढगे , वासुदेव असेलेल किसान घोडके यांनी ही सादरीकरण आणि माहिती दिली. तसेच नृत्य दिग्दर्शक श्री. धैर्यशील उत्तेकर, आणि त्यांचे सहकारी सूरज दयाळ, श्री मनोज जाधव यांनी उत्तम मार्गदर्शन केले . ह्या कार्यक्रमामुळे लहान मुलांच्यात लोककला , लोक कलेतील वाद्य, नृत्य ह्या बद्दल एक जागृतकता निर्माण झाली आणि आपल्या लोक कलेच्या इतिहासाची माहिती झाली. याच लोक कला शिबिरानंतर लोककला महोत्सव.. म्हणजे जल्लोष लोककलेचा हा कार्यक्रम घेण्यात आला. यामध्ये सातारा आणि परिसरातील ७०० हून अधिक मुलांनी यामध्ये सहभाग घेतला. आणि १००० पेक्षा जास्त प्रेक्षक वर्गाने याचा आस्वाद घेतला. सातारा शहरात पाहिल्यादाच अशा कार्यक्रमाचे आयोजन करण्यात आले.