दि. १७ ऑक्टोबर २०२४
पुणे येथे दिव्यांग कलावंतांचा महामहोत्सव रामकृष्ण मोरे प्रेक्षागृह पिंपरी चिंचवड या ठिकाणी विशेष मुलांचा यहा के हम सिकंदर या सांस्कृतिक कार्यक्रमांचा महामहोत्सव संपन्न झाला. दिव्यांग महोत्सवाची संकल्पना बालरंगभूमी परिषदेच्या मध्यवर्ती च्या अध्यक्ष आणि अभिनेत्री नीलम शिर्के – सामंत यांच्या माध्यमातून साकार झाली. दिव्यांग महामहोत्सवाचे उद्घाटन नटराज पूजन आणि दीप प्रज्वलन करून करण्यात आले. विशेष मुलांसाठी उल्लेखनीय काम करणाऱ्या 33 शिक्षकांचा सन्मान नीलम शिर्के सामंत यांच्या हस्ते करण्यात आला. दिव्यांग महोत्सवामध्ये ३३ शाळांनी सहभाग नोंदवला. निगडी, गोखले नगर ,कोथरूड, लक्ष्मी रोड, आळंदी देवाची, शिरूर, पाबळ, वाजे वाडी, पेरणे फाटा, चरोली बुद्रुक, बारामती भोसरी तळेगाव दौंड, मांजरी बुद्रुक, बिबवेवाडी, कोरेगाव पार्क , लोणी काळभोर ,शिवाजीनगर ,अंबडवेट, लोणीकंद, पुणे, धायरी, चिंचवड, बारामती, हिंगणे खुर्द, आंबेगाव या ठिकाणावरून शाळा आल्या होत्या. महोत्सवातील सहभागी विद्यार्थ्यांना व शिक्षकांना जेवणाची सुविधा उपलब्ध होती त्याचबरोबर १८ वर्षावरील कार्यशाळेमध्ये असणाऱ्या मुलांच्या तयार केलेल्या वस्तूंचे विक्री व प्रदर्शन देखील होते. स्टॉलला ही प्रचंड प्रतिसाद मिळाला. शाळांनी समाधान व्यक्त केले. विशेष मुलांसाठी रमेश गडदे आणि धीरज बिरदवडे यांनी स्वीट उपलब्ध करून दिले.दिव्यांग महोत्सवामध्ये ३१ शाळांनी उत्कृष्ठ सादरीकरण केले. ५३५ विद्यार्थ्यांनी सहभाग नोंदवला होता.